ہاکی ورلڈ کپ کے آخری گروپ میچ میں بھارت نے پاکستان کو 3-5 سے ہراکر قومی ٹیم کو ایونٹ کے دوسرے مرحلے سے باہر کردیا،چوتھے اور آخری کوارٹر میں پاکستان کے لئے حنان شاہد اپنا دوسرا اور پاکستان کا تیسرا گول بنانے میں کامیاب رہے ۔
نیدرلینڈز اور بیلجئیم میں کھیلے جانیوالے والے ایف آئی ایچ ہاکی ورلڈ کپ 2026 کے پہلے کوارٹر میں بھارت نے دو گول اسکور کیے جبکہ پاکستان کوئی گول نہ کرسکا، یوں بھارت کو 0-2 کی برتری حاصل ہوگئی ۔
دوسرے کوارٹر میں بھارت نے تیسرا گول کرکے برتری 0-3 کردی، تاہم پاکستان نے شاندار واپسی کرتے ہوئے حنان شاہد اور سفیان خان کے گولز کی بدولت سکور 2-3 کردیا۔ دوسرے کوارٹر کے اختتام پر بھارت کو 2-4 کی برتری حاصل تھی ۔
تیسرے کوارٹر میں بھارت نے مزید ایک گول کرکے برتری 2-5 کردی، جبکہ چوتھے کوارٹر میں پاکستان نے تیسرا گول سکور کیا، تاہم میچ 3-5 سے بھارت کے نام رہا،پاکستان کی جانب سے حنان شاہد نے 2 جبکہ سفیان خان نے ایک گول کیا ۔
آٹھ سال بعد ہاکی ورلڈ کپ کھیلنے والی پاکستانی ٹیم ایونٹ میں ایک بھی میچ جیتنے میں ناکام رہی، پاکستان کو انگلینڈ نے 1-4 سے شکست دی جبکہ پاکستان اور ویلز کے درمیان میچ 3-3 گول سے برابر رہا ۔
تیسرے کوارٹر میں بھارت نے پنالٹی سٹروک پر اپنی برتری 2-5 کیساتھ مستحکم کی۔ جس کے بعد چوتھے اور آخری کوارٹر میں پاکستان کے لئے حنان شاہد اپنا دوسرا اور پاکستان کا تیسرا گول بنانے میں کامیاب رہے ۔
