اسلام آباد: قومی ورثہ و ثقافت و ثقافت کے وفاقی وزیر اورنگزیب خان کچھی نے تاریخی اُردو لغت کے نظرثانی شدہ پہلی تین جلدوں کی رونمائی کر دی۔
تقریب سے خطاب میں انہوں نے کہا کہ قومی ورثہ و ثقافت ڈویژن اپنے اداروں کے ذریعے زبان، ادب اور ثقافت کے فروغ کے لیے مؤثر کردار ادا کر رہا ہے۔
اُردو لغت کی اشاعت قومی علمی سرمایہ ہے، حکومت اُردو زبان کے فروغ کے لیے ہر ممکن تعاون جاری رکھے گی۔
انہوں نے کہا کہ اُردو زبان کا فروغ ہماری قومی ذمہ داری ہے، تاریخی لغت کی تمام 22 جلدوں کی اشاعت ایک اہم قومی خدمت ہے۔
تاریخی اُردو لغت کی تمام 22 جلدوں کی اشاعت کے لیے وفاقی وزیر اور ڈاکٹر حاجی محمد رفیق پردیسی کے درمیان مفاہمتی یادداشت پر دستخط بھی ہوئے۔
