ہری پور میں شدید دھند کے باعث ٹریفک نظام شدید متاثر ہونے لگا ہے۔

ذرائع کا کہنا ہے کہ ضلع ہری پور میں ہزارہ موٹروے کو دھند کی وجہ سے بند کر دیا گیا تاکہ حادثات سے بچا جا سکے۔ موٹر وے بند ہونے کی وجہ سے ہزارہ بھر کے اضلاع سے پشاور اور اسلام آباد جانے والی پبلک ٹرانسپورٹ ہزارہ موٹروے پر روک دی گئی ہے۔

مزید یہ کہ دھند کے باعث موٹروے پر موٹروے پولیس کی جانب سے ناکہ لگا کر روڈ بند گیا گیا جس کے بعد مسافر گاڑیاں جی ٹی روڈ کا رخ کرنے لگی ہیں۔