ہری پور پولیس نے کاروائی کرتے ہوئے منشیات فروش اور فحاشی کا اڈہ چلانے والے 6 ملزمان گرفتار کر لیے۔
ڈی پی او ہری پور کی ہدایت پر ضلع بھر میں جرائم پیشہ عناصر کے خلاف کاروائیوں کا سلسلہ جاری ہے،ایس ایچ او تھانہ کھلابٹ راجہ ممتازکی سربراہی میں پولیس نے کاروائی کرتے ہوئے محمد بشیر نامی ملزم کو گرفتار کر کے قبضہ سے 1 کلو 500 گرام ہیروئن جبکہ ایڈیشنل ایس ایچ او تھانہ خانپور ظہوربیگ نے کاروائی کرتے ہوئے محمد اخلاق نامی ملزم سے 2 کلو 380 گرام چرس برآمد کرلیے۔ ملزمان کے خلاف انسداد منشیات ایکٹ کے تحت مقدمات درج کر لیے،
ایس ایچ او تھانہ سٹی اعجاز علی نے فحاشی کا اڈہ چلانے والے ندیم عباس سمیت دیگر ملزمان کو گرفتار کر کے مقدمہ درج کر لیا۔
