عالمی مارکیٹ میں مسلسل غیر یقینی صورتحال کے بعد خام تیل کی قیمتوں میں استحکام دیکھا گیا ہے ، جبکہ برینٹ اور ویسٹ ٹیکساس انٹرمیڈیٹ (WTI) خام تیل کی قیمتوں میں معمولی اضافہ ریکارڈ کیا گیا ہے ۔
غیر ملکی ویب سائٹ کے مطابق برطانوی برینٹ خام تیل کی قیمت میں ایک ڈالر 11 سینٹ کا اضافہ ہوا ، جس کے بعد برینٹ کروڈ ایک اعشاریہ تین فیصد اضافے کے ساتھ 84 ڈالر 88 سینٹ فی بیرل پر پہنچ گیا ۔
اسی طرح امریکی ڈبلیو ٹی آئی خام تیل کی قیمت میں 82 سینٹ اضافہ ہوا، جس کے بعد ڈبلیو ٹی آئی ایک اعشاریہ دو فیصد اضافے کے ساتھ 81 ڈالر 16 سینٹ فی بیرل پر ٹریڈ کر رہا ہے ۔
رپورٹس کے مطابق گزشتہ روز عالمی مارکیٹ میں خام تیل کی قیمتوں میں تقریباً 7 فیصد اضافہ ہوا تھا، تاہم ایران اور امریکہ کے درمیان ممکنہ مذاکرات کی خبروں کے بعد تیل کی قیمتوں میں اضافے کی رفتار کم ہو کر تقریباً ایک فیصد رہ گئی ۔
ماہرین کے مطابق عالمی مارکیٹ میں تیل کی قیمتوں پر جغرافیائی سیاسی صورتحال ، مذاکراتی پیش رفت اور طلب و رسد کے عوامل مسلسل اثر انداز ہو رہے ہیں ۔
