ڈی پی او رضا تنویر سپرا کی ہدایت پر عیدالاضحی کے موقع پر مری پولیس کے مؤثر سیکورٹی و ٹریفک انتظامات کئے گئے ہیں،700 سے زائد افسران و اہلکار سیکورٹی و ٹریفک فرائض سر انجام دیں گے ۔
مری میں عید کے موقع پر 51 مساجد،3 امام بارگاہوں،6 کھلے مقامات،پر سیکورٹی و ٹریفک فرائض سر انجام دئیے جائیں گے ۔
عید کے دنوں میں ون ویلنگ کی روک تھام اور سیاحوں کی رہنمائی کے لیے شہر بھر میں 15 خصوصی پکٹس لگائی گئی ہیں،جن پر 250 سے زائد افسران ڈیوٹی سرانجام دیں گے ۔
چاند رات پر شہریوں کی حفاظت کے لیے تھانوں کی موبائلز کی خصوصی پٹرولنگ اور پکٹس لگائی گئیں ہیں، سینئر افسران خود فیلڈ میں موجود رہیں گے اور موثر سپرویژن کو یقینی بنائیں گے ۔
عید الاضحی پر ضلعی پولیس کے ساتھ ایلیٹ فورس،لیڈیز پولیس،ٹریفک پولیس اورمحافظ اسکواڈ بھی ڈیوٹی کے فرائض سرانجام دیں گے ۔
تھانوں کی موبائلز اور موٹر سائیکل سکواڈ چاند رات اور عید الاضحی کے موقع پر اپنے اپنے علاقہ میں گشت کے فرائض سرانجام دیں گے،سیاحوں اور عام شہریوں کی سہولت کے لیے سیف ٹوررزم ایپ سے لائیو ٹریفک اپڈیٹ اور دیگر سہولیات حاصل کی جا سکتی ہیں ۔
