مظفرآباد : شدید سردی کے باعث آزاد کشمیر میں تعلیمی ادارے پندرہ جنوری تک بند رکھنے کا فیصلہ کیا گیا ہے۔ اطلاعات کے مطابق آزاد جموں و کشمیر میں شدید سردی اور دھند کے باعث تعلیمی ادارے 5 سے 15 جنوری تک مزید بند رکھنے کا باضابطہ اعلان کیا گیا ہے۔
اس بارے میں انتظامیہ نے نوٹیفکیشن جاری کیا ہے جس میں کہا گیا ہے کہ تعطیلات کی خلاف ورزی کرنے والے سکولوں کو رجسٹریشن منسوخ کرنے کا سامنا کرنا پڑے گا۔
