ڈپٹی سپیکر قومی اسمبلی سید غلام مصطفیٰ شاہ نے پارلیمنٹ سے وفاقی وزرا کے غائب ہونے پر وزیراعظم شہباز شریف اور وفاقی وزیر پارلیمانی امور طارق فضل چودھری کو خط لکھ کر شکایت کردی ۔
اسلام آباد: ڈپٹی سپیکر کی جانب سے لکھے گئے خط میں لکھا گیا ہے کہ ایوان سے وقفہ سوالات کے دوران وزرا کی غیر حاضری کا تشویشناک مسئلہ ہے، وزراء اور پارلیمانی سیکریٹریز کا ایوان سے غائب رہنا پارلیمانی روایات کی کھلی خلاف ورزی ہے ۔
انہوں نے لکھا کہ وزراء کی غیر حاضری سے اہم نوعیت کے عوامی مسائل پر بات نہ ہو سکی۔وزراء کی غیر موجودگی کا معاملہ فوری حل طلب ہے، قومی وسائل کے استعمال کے باوجود وزراء کی عدم دلچسپی سے ایوان کی کارروائی کا مقصد پورا نہیں ہو سکتا ۔
انہوں نے کہا کہ آئین کے تحت اراکین کے سوالات کے جواب دینا کابینہ اراکین کی مجموعی ذمہ داری ہے ڈپٹی سپیکر کا خط میں وزیراعظم سے مسلئے کے فوری حل کا مطالبہ کردیا ۔
