اسلام آباد: صدر مملکت نے ملکی دفاع میں نمایاں کارکردگی کا مظاہرہ کرنے والے افسران میں فوجی اعزازات تقسیم کردیے ۔
ایوان صدر میں فوجی اعزازت دینے کی تقریب منعقد ہوئی جس کے آغاز پر قومی ترانے کی دھن پیش کی گئی، صدر مملکت آصف علی زرداری نے ملکی دفاع میں نمایاں خدمات انجام دینے والوں کو فوجی اعزازت سےنوازا ۔
کیپٹن سید عامر رضا کو بے مثال بہادری، فرض شناسی پر ستارہ بسالت سے نوازا گیا۔ ایئر مارشل محمد سرفراز کو ہلال امتیاز (ملٹری)، ایئرمارشل کاظم حماد کو ہلال امتیاز (ملٹری)، ایئر مارشل شکیل غضفر، میجر جنرل سعید الرحمان، میجر جنرل طاہر مسعود احمد، میجر جنرل ندیم احمد، میجر جنرل سہیل امتیاز، میجر جنرل ذیشان احمد، میجر جنرل سہیل صابر کو بھی ہلال امتیاز (ملٹری) سے نوازا گیا ۔
اس موقع پر پاک فوج کے میجر جنرلز فواد احمد صدیقی، سید مکرم حسین، افتخار احمد ستی، شاہد پرویز، غلام محمد، نور علی خان، راجہ محمد ندیم اشرف، غلام شبیر ناریجو، محمد عاصم خان، محمد یوسف، محمد نعیم اختر، نسیم اختر، عمر احمد شاہ، محمد شاہد صدیق، عبدالسمیع، محمد یاسر الہیٰ، عدیل حیدر منہاس، محمد حسین سیال، ریئر ایڈمرل شفاعت علی خان اور دیگر کو بھی ہلال امتیاز (ملٹری) سے نوازا گیا ۔
تقریب میں وزیر دفاع خواجہ آصف، چیئرمین سینیٹ یوسف رضا گیلانی اور دیگر حکام نے بڑی تعداد میں شرکت کی ۔
