ایبٹ آباد: ایوب میڈیکل کالج میں دو طلباء گروپوں کے درمیان تصادم کے نتیجے میں چار طلباء زخمی ہوگئے۔
ذرائع کے مطابق زخمی طلباء کو طبی امداد کے لیے ہسپتال منتقل کردیا گیا، جبکہ واقعے کی اطلاع ملتے ہی کالج سیکیورٹی اور پولیس کی ٹیمیں موقع پر پہنچ گئیں۔
تصادم کے بعد پولیس نے کارروائی کرتے ہوئے پکڑ دھکڑ کا سلسلہ شروع کردیا۔ کشیدہ صورتحال کے پیش نظر کالج ہاسٹل طلباء سے خالی کرانے کا عمل بھی شروع کردیا گیا ہے۔
دوسری جانب ڈین ایوب میڈیکل کالج نے کشیدہ صورتحال کے باعث ادارہ تاحکمِ ثانی بند کردیا۔ کالج کی بندش کا باقاعدہ نوٹیفکیشن بھی جاری کردیا گیا ہے۔
