پاکستان کے خلاف سیریز کھیلنے کے لیے آسٹریلیا کی کرکٹ ٹیم اسلام آباد پہنچ گئی، دونوں ٹیموں کے درمیان 3 ایک روزہ میچز کی سیریز کھیلی جائے گی ۔
اسلام آباد ایئر پورٹ پہنچنے پر پاکستان بورڈ کے اعلیٰ حکام نے آسٹریلوی ون ڈے ٹیم کے کھلاڑیوں کا استقبال کیا، جس کے بعد آسٹریلیو کھلاڑیوں کو سخت سیکیورٹی میں ہوٹل پہنچادیا گیا ۔
آسٹریلوی کرکٹ ٹیم پاکستان میں قومی ٹیم کے خلاف 3 ون ڈے میچز کی سیریز میں حصہ لے گی، مہمان ٹیم آج آرام کرے گی اور کل سے پریکٹس سیشن میں حصہ لے گی ۔
پاکستان اور آسٹریلیا کے درمیان پہلا ون ڈے 30 مئی کو راولپنڈی کرکٹ سٹیڈیم میں کھیلا جائے گا جب کہ سیریز کا دوسرا اور تیسرا ون ڈے قذافی سٹیڈیم لاہور میں شیڈول ہے ۔
