اٹک (آصف صابری) تھانہ پنڈیگھیب پولیس نے ایک اندھے قتل کے کیس میں کامیاب کارروائی کرتے ہوئے اصل حقائق بے نقاب کر دیے ہیں۔ پولیس کے مطابق جدید سائنسی بنیادوں پر تحقیقات کے بعد پتہ چلا کہ سگے بھائی کے قتل میں اسی کا بھائی ملوث تھا۔
پولیس کے مطابق مقتول اور ملزم کے درمیان پسند کی لڑکی کے تعلقات پر رنجش پائی جاتی تھی، جس کے سبب ملزم نے بھائی کو راستے سے ہٹانے کا فیصلہ کیا اور شکار کے بہانے اسے فائرنگ کر کے قتل کر دیا۔
ملزم سیف الرحمٰن عرف فیصل کو تھانہ پنڈیگھیب پولیس کی تحویل میں لے لیا گیا ہے۔ ڈی پی او اٹک نے کہا کہ ملزم کتنا ہی شاطر کیوں نہ ہو، قانون کی گرفت سے نہیں بچ سکتا اور سنگین جرائم میں ملوث عناصر کو کیفرِ کردار تک پہنچانا پولیس کی اولین ترجیح ہے۔
یہ کامیاب کارروائی علاقے میں امن و امان کی صورتحال کے لیے ایک مثبت پیش رفت کے طور پر دیکھی جا رہی ہے۔
