امریکی ٹی وی سی بی ایس نیوز نے دعویٰ کیا ہے کہ فیلڈ مارشل سید عاصم منیر کو امریکا اور ایران دونوں کی قیادت کا اعتماد حاصل ہے۔
ٹی وی کی رپورٹ میں کہا گیا ہے کہ فیلڈ مارشل نے ایران امریکا مذاکرات کو حتمی مرحلے تک پہنچانے میں اہم کردار ادا کیا۔
سی بی ایس نیوز کی رپورٹ کے مطابق فیلڈ مارشل عاصم منیر کے حالیہ دورہ تہران نے جاری سفارتی کوششوں میں کلیدی پیش رفت پیدا کی۔
رپورٹ میں کہا گیا ہے کہ مشرق وسطیٰ کی موجودہ صورتحال میں خلیجی ممالک اور لبنان بھی تنازع کا حصہ ہیں۔
تاہم صرف پاکستان ہی ایسا ملک ثابت ہوا جو مجوزہ معاہدے کے مسودے کو حتمی شکل دینے میں کامیاب رہا۔
رپورٹ کے مطابق فیلڈ مارشل عاصم منیر کی تہران سے واپسی کے بعد مجوزہ معاہدے کا مسودہ ایرانی اور امریکی قیادت کو جائزے کے لیے بھیجا گیا۔
امریکی ٹی وی نے دعویٰ کیا کہ پاکستان کی سیاسی اور عسکری قیادت کے درمیان مکمل ہم آہنگی اس ثالثی عمل کا سب سے اہم عنصر رہی۔
سی بی ایس نیوز کے مطابق امریکی صدر ڈونلڈ ٹرمپ ماضی میں فیلڈ مارشل عاصم منیر کو "مائی فیورٹ فیلڈ مارشل” بھی قرار دے چکے ہیں۔
رپورٹ میں مزید کہا گیا کہ اسلام آباد میں ہونے والے مذاکرات کے دوران پاکستانی حکومت اور عسکری قیادت نے کشیدگی کم کرنے میں مؤثر کردار ادا کیا۔
رپورٹ میں یہ بھی بتایا گیا کہ پاکستان ماضی میں بھی اہم عالمی سفارتی روابط قائم کروانے میں کردار ادا کرتا رہا ہے، خصوصاً امریکا اور چین کے درمیان تعلقات کی بحالی میں پاکستان کی سفارتی کوششیں تاریخی اہمیت رکھتی ہیں۔
