وزارت خزانہ کی جانب سے جاری اعلامیے میں کہا گیا کہ آئندہ 15 روز کے دوران پٹرول کی قیمت برقرار رکھنے کا فیصلہ کیا گیا ہے ۔
اسلام آباد: وزارت خزانہ کی جانب سے جاری نوٹی فکیشن کے مطابق ہائی سپیڈ ڈیزل 3 روپے 5 پیسے فی لیٹر سستا کردیا گیا،جس کے بعد ہائی سپیڈ ڈیزل کی نئی قیمت 255 روپے 38 پیسے فی لیٹر مقرر کردی گئی ہے ۔
مٹی کے تیل کی قیمت میں فی لٹر 3 روپے 32 پیسے جبکہ لائٹ ڈیزل کے نرخ میں فی لٹر 2 روپے 78 پیسے فی لٹر کمی کی گئی ہے ۔
نوٹی فکیشن کے مطابق پیٹرول کی قیمت 252 روپے 10 پیسے فی لیٹر برقرار رہے گی، وزارت خزانہ نے کہا کہ پیٹرولیم مصنوعات کی نئی قیمتوں کا اطلاق 16 دسمبر سے ہوگا ۔
