راولپنڈی: اینٹی نارکاٹکس فورس کا منشیات سمگلنگ کے خلاف جاری ملک گیر کریک ڈاؤن جاری ہے۔ کارروائیوں میں 4 ملزمان رنگے ہاتھوں گرفتار کر لیے۔اے این ایف ہیڈکوارٹر راولپنڈی سے جاری چوبیس گھنٹوں کی انسداد منشیات کارروائیوں کی تفصیلات کے مطابق تازہ کارروائیوں میں 4 کروڑ روپے سے زائد مالیت کی 149.884 کلو گرام منشیات برآمد کی گئیں۔
پشاور انٹرنیشنل ایئرپورٹ پر جدہ جانے والے مسافر کے پیٹ سے 30 ہیروئن بھرے کیپسولز برآمد کیے گئے۔اسلام آباد میں پارک کے قریب پارسل سے 31 نشہ آور گولیاں برآمد کر کے ایک ملزم گرفتار کیا گیا۔کراچی میں کوریئر آفس کے ذریعے آسٹریلیا بھیجے جانے والے پارسل سے 150 گرام آئس برآمد کی گئی۔
بلوچستان کے ضلع چاغی میں سمگلنگ کے لئے چھپائی گئی 90 کلو گرام افیون اور 10 کلو گرام ہیروئن برآمد کی گئی ۔
بلوچستان میں کوسٹل لائن پسنی کے غیر آباد علاقے سے 45 کلوگرام چرس برآمد کی گئی۔حیدر آباد میں ملزم سے 3 کلوگرام چرس برآمد کی گئی۔اقبال شہید ٹول پلازہ اٹک کے قریب موٹرسائیکل سوار کے قبضے سے 1 کلو ہیروئن اور 500 گرام آئس برآمد کی گئی۔ ترجمان نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
