بھارت سے علیحدگی کیلئے امریکا میں ریفرنڈم، ہزاروں کی تعداد میں سکھ کمیونٹی نے اپنے الگ وطن کیلئے ووٹ ڈالے۔
امریکی شہر سان فرانسسکو میں خالصتان ریفرنڈم میں اپنا ووٹ کاسٹ کرنے کیلئے ہزاروں سکھوں کا جم غفیر پولنگ اسٹیشن کے باہر پہنچا۔جنہوں نے بھارت سے علیحدگی کیلئے اپنے ووٹ کاسٹ کیئے۔ووٹنگ کا سلسلہ 8گھنٹے تک جاری رہی۔سان فرانسسکو کے سوک سینٹر میں جاری ووٹنگ میں بین الاقوامی آبزرور بھی موجود تھے۔
زرائع کے مطابق ریفرنڈم کیلئے سکھ رہنما گرپتونت سنگھ ہائی لیول سکیورٹی میں سوک سینٹر پہنچے۔سکھ رہنماؤں کا کہنا تھا کہ ہم اپنے لیے الگ وطن کا مطالبہ کرتے ہیں اور بھارت کے تسلط سے آزادی چاہتے ہیں۔ان کا کہنا تھا کہ بھارت میں سکھوں کیلئے دھرتی تنگ اور انکی نسل کشی کی جا رہی ہے۔سکھ فار جسٹس کے شریک بانی بخشیش سنگھ سندھو نے کہا ہزاروں کی تعداد میں سکھوں کو بھارت کے تسلط سے اپنی خومختاری، آزادی اور خالصتان کے قیام کیلئے کیلئے یہاں جمع ہوئے دیکھ کر خوشی ہو رہی ہے۔انہوں نے کہا کہ یہ ہزاروں سکھ جو آج یہاں جمع ہیں سب بھارت کے پنجاب پر ناجائز قبضے سے آزادی کا مطالبہ کر رہے ہیں۔
