آزاد جموں و کشمیر الیکشن کمیشن کی جانب سے وادی میں اگلے ماہ منعقد ہونے والے عام انتخابات کیلئے 24 رجسٹرڈ سیاسی جماعتوں کو انتخابی نشانات الاٹ کر دیئے ۔
مظفرآباد: ذرائع کے مطابق آزاد جموں و کشمیر الیکشن کمیشن نے رجسٹرڈ 24 سیاسی جماعتوں میں انتخابی نشانات تقسیم کر دیئے ہیں ۔
دوسری جانب ذرائع نے بتایا کہ الاٹ ہونے والے نشانات کے مطابق پاکستان پیپلز پارٹی کو ’’ تیر‘‘‘، پاکستان مسلم لیگ (ن) کو ’’شیر‘‘، جماعت اسلامی کو ’’ ترازو‘‘ جبکہ آل جموں و کشمیر مسلم کانفرنس کو ’’گھوڑا‘‘ کا انتخابی نشان دیا گیا ہے ۔
یاد رہے الیکشن کمیشن کے مطابق یہ عمل آئندہ انتخابات کی تیاریوں کے سلسلے میں مکمل کیا گیا، دوسری جانب تحریک انصاف نے الیکشن سے بائیکاٹ کا اعلان کیا ہے ۔
