مظفرآباد: آزاد کشمیر قانون ساز اسمبلی کی 8 مخصوص نشستوں کے انتخابات میں مسلم لیگ ن نے 6 نشستیں حاصل کرلیں، جبکہ پیپلز پارٹی کے حصے میں 2 نشستیں آئیں۔
خواتین کی 5 مخصوص نشستوں پر مسلم لیگ ن کی سحرش قمر، مریم زمان اور مریم ادریس کامیاب قرار پائیں، جبکہ پیپلز پارٹی کی فرزانہ یعقوب اور زوبیا خورشید نے بھی کامیابی حاصل کی۔
خواتین کی نشستوں پر زوبیا خورشید اور رفعت عابد نے برابر 5، 5 ووٹ حاصل کیے۔ برابر ووٹ ہونے کے باعث قرعہ اندازی کی گئی، جس میں زوبیا خورشید کامیاب رہیں۔
علما و مشائخ کی مخصوص نشست پر مسلم لیگ ن کے پیر مظہر سعید شاہ کامیاب ہوئے۔ ٹیکنوکریٹ کی نشست بھی مسلم لیگ ن کے بیرسٹر افتخار گیلانی نے حاصل کی، جبکہ اوورسیز کشمیریوں کی نشست پر ن لیگ کے عبدالرحمان آرائیں کامیاب قرار پائے۔
مخصوص نشستوں کے نتائج کے بعد آزاد کشمیر قانون ساز اسمبلی میں مسلم لیگ ن کی مجموعی نشستوں کی تعداد 31 ہوگئی ہے، جبکہ پیپلز پارٹی کے پاس 14 نشستیں ہیں۔ عوامی دست و بازو کی ایک نشست پر مسلم لیگ ن کے ساتھ اتحاد کے بعد ن لیگ کی مجموعی نشستیں 32 ہوگئی ہیں۔
ایوان کی تشکیل مکمل ہونے کے بعد نومنتخب ارکان اسمبلی حلف اٹھائیں گے۔ اس کے بعد اسپیکر اور ڈپٹی اسپیکر کا انتخاب عمل میں لایا جائے گا۔
واضح رہے کہ پونچھ اور سدھنوتی میں انتخابات نہ ہونے کے باعث 7 ارکان کی عدم موجودگی میں حکومت سازی کا عمل آگے بڑھایا جا رہا ہے۔
Keyword: AJK Reserved Seats Election Results
Slug: ajk-reserved-seats-election-results-pmln
Meta Description: آزاد کشمیر اسمبلی کی 8 مخصوص نشستوں کے انتخابات میں مسلم لیگ ن نے 6 اور پیپلز پارٹی نے 2 نشستیں جیت لیں، مخصوص نشستوں کے نتائج کے بعد ن لیگ کی پوزیشن مزید مضبوط ہوگئی۔
Tags:
آزاد کشمیر انتخابات، مخصوص نشستیں، آزاد کشمیر اسمبلی، مخصوص نشستوں کے نتائج، مسلم لیگ ن، ن لیگ، پیپلز پارٹی، پی پی پی، مظفرآباد، سحرش قمر، مریم زمان، مریم ادریس، فرزانہ یعقوب، زوبیا خورشید، پیر مظہر سعید شاہ، افتخار گیلانی، عبدالرحمان آرائیں
