گلگت بلتستان کے سیکریٹری محکمہ خوراک عثمان احمد کی سربراہی میں محکمہ خوراک گلگت بلتستان نے جگلوٹ گورو میں واقع فلور مل میں غیر قانونی طور پر اتاری گئی 1 ہزار 100 کلو گرام والی بوری گندم برآمد کر کے فلور مل کو سیل کردیا ہے ۔
زرائع کے مطابق چیف سیکریٹری گلگت بلتستان کی خصوصی ہدایات پر سیکریٹری محکمہ خوراک گلگت بلتستان عثمان احمد کی قیادت میں ڈائریکٹر جنرل اینٹی کرپشن خورشید احمد اور ٹیم نے محکمہ خوراک کی مختلف گوداموں پر چھاپے مارے اس دوران بےضبطگیوں کا انکشاف ہونے پر محکمہ خوراک کے ملازم شاہ عالم کو گرفتار کرکے مزید تفتیش شروع کردی ہے۔
تفصیلات کے مطابق محکمہ اینٹی کرپشن گلگت بلتستان کے اس عمل کو عوامی سطح پر خوب سراہتے ہوئے عوامی حلقوں نے مزید اس طرح کے اقدامات کرنے کا مطالبہ کیا ہے
