موٹروے پولیس نے ہزارہ انٹرچینج کے قریب منشیات سمگلنگ کے خلاف کارروائی کی، جس میں 12 کلوگرام اعلی کوالٹی کی ہیروئن برآمد ہوئی۔
زرائع کے مطابق ایم ون ہزارہ انٹرچینج کے قریب پٹرولنگ سیکٹر کمانڈر ایم ون شفیق الرحمن نے غفلت لاپرواہی سے چلتی ہوئی گاڑی دیکھی جسے رکنے کا اشارہ کیا گیا لیکن ڈرائیور نے گاڑی نہیں روکی جس پر سیکٹر کمانڈر نے آگے آنے والی پولیس موبائل کو الرٹ کر دیا۔
پولیس کی جانب سے گاڑی کو متعدد بار روکنے کی کوشش کی گئی لیکن ڈرائیور نے گاڑی نہیں روکی ۔ موٹروے پولیس نے مذکورہ گاڑی کا پیچھا گیا۔ پولیس کو پیچھے آتے دیکھ کر ڈرائیور ہزارہ انٹرچینج لوپ پر گاڑی کھڑی کر کے اندھیرے کا فائدہ اٹھاتے ہوئے موقع سے فرار ہو گیا۔ گاڑی کی تلاشی لینے پر گاڑی سے 12 پیکٹ اعلی کوالٹی کی ہیروئن برآمدکرلی۔ تفصیلات کے مطابق گاڑی کوقبضے میں لے کر ملزم کی تلاش شروع کر دی گئی ہے ۔
