پشاور: نئی صوبائی حکومت کی ہدایات پر ضلعی انتظامیہ پشاور نے اندرون شہر بازاروں سے تجاوزات کا خاتمہ کردیا۔
خیبر پختونخوا حکومتی ذرائع کے مطابق ہفتہ وار تعطیل کے باوجود ضلعی انتظامیہ پشاور تجاوزات کیخلاف پوری طرح متحرک رہی۔
خیبر پختونخوا حکومتی ذرائع کے مطابق آپریشن کے دوران تنگ بازاروں کے دونوں اطراف قائم تجاوزات ہٹا کر آمدورفت کے راستے کھول دیے گئے۔
خیبر پختونخوا حکومتی ذرائع کے مطابق تنگ بازاروں سے تجاوزات کے خاتمے سے شہریوں کو بہتر گزرگاہیں میسر آئیں گی اور کاروباری سرگرمیوں کو فروغ ملے گا۔
پشاور کی خوبصورتی اور عوامی سہولیات کی بہتری کیلیے انتظامیہ کی کارروائیوں کو شہریوں کی جانب سے بھرپور سراہا جا رہا ہے۔


