وفاقی حکومت نے پٹرول اور ڈیزل کی قیمتوں میں اضافے کا اعلان کردیا، اس حوالے سے پٹرولیم ڈویژن کی جانب سے نوٹی فکیشن بھی جاری کردیا گیا ۔
اسلام آباد: پٹرولیم ڈویژن کی جانب سے نوٹیفکیشن کے مطابق آئل اینڈ گیس ریگولیٹری اتھارٹی نے پیٹرول کی فی لیٹر قیمت میں 1 روپے 54 پیسے کا اضافہ کردیا جس کے بعد نئی قیمت 379 روپے 25 پیسے فی لیٹر مقرر ہوگئی ۔
نوٹی فکیشن کے مطابق ہائی سپیڈ ڈیزل کی قیمت میں 2 روپے 16 پیسے فی لیٹر اضافہ کیا گیا ہے جس کے بعد نئی قیمت 395 روپے 82 پیسے فی لیٹر پر پہنچ گئی ۔
پٹرولیم ڈویژن کی جانب سے جاری نوٹی فکیشن میں مزید کہا گیا ہے کہ نئی قیمتوں کا اطلاق رات 12 بجے کے بعد سے 27 اکتوبر 2026 کے لیے ہوگا ۔
اعلامیے میں کہا گیا ہے کہ اوگرا نے وفاقی حکومت کے پیٹرولیم مصنوعات کی قیمتوں کے تعین کے طریقہ کار کے تحت قیمتوں میں ردوبدل کیا جبکہ عالمی مارکیٹ میں اضافے، پریمیم اور دیگر اخراجات میں تبدیلی کے باعث قیمتیں بڑھائی گئیں ۔
