وفاقي دارالحکومت اسلام آباد میں مارکیٹوں اور دکانوں کے اوقات کار میں توسیع کردی گئی، ضلعی انتظامیہ کے مطابق کاروبار رات 9 بجے تک کھلے تکھنے کی اجازت ہو گی ۔
اسلام آباد انتظامیہ کی جانب سے جاری نئے اوقات کار کے مطابق وفاقی دارالحکومت میں دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے ۔
ضلعی انتظامیہ کے اعلامیہ کے مطابق ریسٹورینٹس رات 11 بجے تک کھلے رہیں گے جب کہ ٹیک اوے اورڈلیوری سروسز مستثنیٰ ہوں گی ۔
اسلام آباد انتظامیہ نے اپنے نوٹی فکیشن میں مزید کہا ہے کہ شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے ۔
اعلامیے میں مزید کہا گیا ہے کہ فارمیسی، ہسپتال، پیٹرول پمپس، آئی ٹی اورٹیلی کام سے متعلق ضروری خدمات اوقات کارکی پابندی سے مستثنیٰ ہوں گی ۔
