پیٹرولیم مصنوعات کی قیمتوں میں مزید بڑا اضافہ کردیا گیا، اضافے کے بعد پٹرولیم مصنوعات کی قیمتیں ملکی تاریخ کی بلند ترین سطح پر پہنچ گئیں، پٹرولیم ڈویژن نے نوٹی فکیشن بھی جاری کردیا ۔
اسلام آباد: پیٹرولیم ڈویژن کی جانب سے جاری اعلامیے کے مطابق پٹرول کی قیمت میں فی لٹر 14 روپے 92 پیسے اضافہ کیا گیا، پٹرول کی فی لٹر نئی قیمت 414 روپے 78 پیسے ہوگئی ۔
نوٹی فکیشن کے مطابق ڈیزل کی قیمت میں 15روپے فی لیٹر کا اضافہ کیا گیا جس کے بعد ڈیزل کی نئی قیمت 414 روپے58 پیسے فی لیٹر ہوگئی ۔
پیٹرولیم ڈویژن کے مطابق پیٹرول اور ڈیزل کی نئی قیمتیں ایک ہفتہ کے لیے مقرر کی گئی ہیں، نئی قیمتوں کا اطلاق رات 12بجے سے ہوگیا ۔
