اسلام آباد: وفاقی وزیر ڈاکٹر مصدق ملک نے کہا ہے کہ موسمیاتی تبدیلی عصرِحاضر کاسب سے بڑاچیلنج ہے۔
موسمیاتی تبدیلی سے نمٹنے کے لئے اجتماعی اقدامات درکارہیں۔
اسلام آباد میں بریتھ کانفرنس سے خطاب کر تے ہوئے وفاقی وزیر ڈاکٹرمصدق ملک نے کہا کہ پاکستان کا شمار موسمیاتی تبدیلی سے سب سے زیادہ متاثر ہ ممالک میں ہوتا ہے۔
پاکستان موسمیاتی تبدیلی کی وجہ سے بے پناہ نقصانات اٹھاچکا ہے۔
انہوں نے کہاکہ سیلابوں نے جانی نقصان کے ساتھ لوگوں کے لیے معاشی مسائل بھی پیدا کیے۔
فضائی آلودگی شہریوں خصوصاًبچوں کی صحت کے لیےانتہائی خطرناک ہے۔
انہوں نے کہاکہ موسمیاتی بحران میں ذمہ دار اور متاثرہ ممالک برابر نہیں ہیں۔ ماحولیاتی نقصانات کا ازالہ عالمی ذمہ داری ہے۔
