امریکی میڈیا نے دعویٰ کیا ہے کہ ایران کے انکار کے بعد امریکہ کے نائب صدر جے ڈی وینس نے دورۂ پاکستان مؤخر کردیا ۔
نیویارک: امریکی میڈیا نے اپنےذرائع سے دعویٰ کیا ہے کہ صدر ٹرمپ نے نائب صدر جے ڈی وینس کو پاکستان جانے سے روک دیا کیوںکہ ایران نے تاحال مذاکرات نہ کرنے کا اپنا فیصلہ تبدیل نہیں کیا ۔
نیویارک ٹائمز نے یہ دعویٰ بھی کیا کہ اگر ایران نے مذاکرات کے لیے حامی بھرلی اور اپنا وفد پاکستان بھیجنے کا فیصلہ کیا تو امریکی وفد بھی اسلام آباد جائے گا اور مذاکرات میں بھی شریک ہوگا ۔
ادھر نائب صدر جے ڈی وینس اس وقت وائٹ ہاؤس میں اہم پالیسی اجلاسوں میں مصروف ہیں، اجلاس میں ہونے والے فیصلوں سے میڈیا کو بعد میں آگاہ کیا جائے گا ۔
رپورٹس کے مطابق امریکہ نے ایران کو کچھ نئی تجاویز پیش کی تھیں لیکن ایران نے اس پر کوئی جواب نہیں دیا جس کے بعد دورۂ پاکستان عارضی طور پر روکنے کا فیصلہ کیا گیا ۔
