اسلام آباد — وزیراعظم پاکستان محمد شہباز شریف نے ڈیزل کی قیمت میں بڑی کمی کی منظوری دے دی ہے جس کے تحت فی لیٹر قیمت میں 32 روپے 12 پیسے کی کمی کی گئی ہے۔
تفصیلات کے مطابق عالمی منڈی میں پیٹرولیم مصنوعات کی قیمتوں میں کمی کے اثرات کے بعد وزیراعظم نے ڈیزل کی قیمت کم کرنے کی منظوری دی۔ اس فیصلے کے بعد ڈیزل کی نئی قیمت 385 روپے 54 پیسے سے کم ہو کر 353 روپے 43 پیسے فی لیٹر مقرر کر دی گئی ہے۔
اعلامیے میں کہا گیا ہے کہ وزیراعظم نے ہدایت کی ہے کہ عالمی قیمتوں میں کمی کے ثمرات فوری طور پر عوام تک پہنچائے جائیں تاکہ انہیں ریلیف فراہم کیا جا سکے۔
پیٹرولیم ڈویژن کے ذرائع کے مطابق پیٹرول کی قیمت کو فی الحال برقرار رکھنے کا فیصلہ کیا گیا ہے۔
