وزیراعظم شہبازشریف نے صدر مملکت آصف علی زرداری سے ملاقات کی ہے، اس موقع پر آزاد کشمیر کے نئے صدر کے انتخاب ، ملکی سیاست اور بین الاقوامی معاملات پر بھی تبادلہ خیال ہوا ہے ۔
اسلام آباد: وزیراعظم شہباز شریف نے صدر آصف علی زرداری سے ایوان صدر میں ملاقات کی، جس میں دونوں جماعتوں کے راہنما بھی موجود تھے ۔
ملاقات میں آزاد کشمیر کے نئے صدر کے انتخاب پر تبادلہ خیال کیا گیا اور اس ضمن میں مشاورتی عمل جاری رکھنے پر اتفاق ہوا ۔
ذرائع کے مطابق ملاقات میں پاکستان پیپلز پارٹی اور مسلم لیگ ن کے درمیان ورکنگ ریلیشن شپ کو مزید مضبوط بنانے کے حوالے سے بھی بات چیت ہوئی ۔
دونوں رہنماؤں نے مستقبل میں باہمی مشاورت اور تعاون کو فروغ دینے کا عزم ظاہر کیااس ملاقات کے دوران آزاد کشمیر کے اگلے صدر کے امیدواروں کے بارے میں مختلف نکات پر غور کیا گیا، تاہم حتمی فیصلے کے اعلان کا وقت ابھی متعین نہیں کیا گیا ۔
