گلگت بلتستان پولیس کے ترجمان نے کہا ہے کہ وفاقی وزیر داخلہ کے حکم کی روشنی میں گلگت بلتستان میں پولیس سٹیشن CTD کو باضابطہ قائم کرکے فعال بنا دیا گیا ہے ۔
گلگت( ندیم خان) پولیس ترجمان کا کہنا ہے کہ سی ٹی ڈی ابتدائی طور پر 200 افسران اور عملے کے ساتھ عملی کام کا آغاز کر چکا ہے جبکہ 600 پوسٹوں پر بھرتیوں کا عمل رواں سال کے دوران مکمل کرلیا جائیگا ۔
ترجمان پولیس کے مطابق موجودہ سی ٹی ڈی کی بنیادی تربیت اور استعداد کار میں اضافے کیلئے پنجاب اور خیبر پختونخوا سے مدد لی جائیگی ۔
ترجمان کا مزید بتانا ہے کہ ایس ایس پی تنویرالحسن CTD گلگت بلتستان کی سربراہی کریں گے، دہشت گردی سے متعلق اب تک کے تمام FIRs تھانہ CTD کو منتقل کر دیئے گئے ہیں ۔
