فیلڈ مارشل سید عاصم منیر نے بلوچستان کے علاقے تربت کا دورہ کیا جہاں سیکیورٹی صورت حال اور ترقیاتی اقدامات کا جائزہ لیا گیا، اس موقع پر فیلڈ مارشل نے سول انتظامیہ کے حکام کے ساتھ ملاقات میں بہتر طرز حکمرانی اور عوامی شمولیت پر زور دیا، اس دوران عوامی ترقی کے لیے مشترکہ سول و ملٹری اقدامات کی اہمیت اجاگر کی گئی ۔
پاک فوج کے شعبہ تعلقات عامہ کی جانب سے جاری بیان کے مطابق آرمی چیف کو سیکیورٹی ڈائنامکس اور فتنہ الہندوستان کے خلاف کامیاب آپریشنز پر بریفنگ دی گئی، آرمی چیف نے سول انتظامیہ کے ساتھ ملاقات میں اچھی حکمرانی اور عوامی شمولیت پر زور دیا ۔
آئی ایس پی آر کے مطابق آرمی چیف فیلڈ مارشل سید عاصم منیر کے دورہ تربت کے دوران وزیر اعلیٰ بلوچستان سرفراز بگٹی، چیف سیکریٹری سمیت دیگر اعلیٰ حکام بھی موجود تھے ۔
دورے کے دوران آرمی چیف کو سیکیورٹی ڈائنامکس اور فتنہ الہندوستان کے خلاف کامیاب آپریشنز پر بریفنگ دی گئی، انہیں ترقیاتی منصوبوں اور سماجی و معاشی بہتری کی کاوشوں سے بھی آگاہ کیا گیا ۔
آرمی چیف نے سول انتظامیہ کے حکام کے ساتھ ملاقات میں بہتر طرز حکمرانی اور عوامی شمولیت پر زور دیا، اس دوران عوامی ترقی کے لیے مشترکہ سول و ملٹری اقدامات کی اہمیت اجاگر کی گئی ۔
فیلڈ مارشل نے بلوچستان کے عوام کی خوشحالی اور پائیدار ترقی کے لیے پاک فوج کے عزم کا اعادہ کیا ۔
آرمی چیف نے جوانوں سے خطاب میں ان کے بلند حوصلے اور آپریشنل تیاریوں کو سراہا، اور خطے میں امن و استحکام کے قیام میں فوجی جوانوں کے کردار کی تعریف کی ۔
آئی ایس پی آر کا مزید کہنا تھا کہ تربت آمد پر کور کمانڈر بلوچستان نے آرمی چیف کا پرتپاک استقبال کیا ۔
