بلوچستان میں کلیئرنس آپریشن کے دوران بھارتی حمایت یافتہ مزید 14 دہشتگرد ہلاک ہو گئے، دو روز میں ہلاک دہشتگردوں کی تعداد 47 ہو گئی ۔
پاک فوج کے شعبہ تعلقات عامہ کی جانب سے جاری بیان کے مطابق گزشتہ روز سکیورٹی فورسز کی جانب سے 7 اور 8 اگست کو بلوچستان میں ضلع ژوب کے عام علاقے سمبازہ میں کامیاب کارروائیوں کے نتیجے میں 33 خوارج ہلاک ہوئے تھے ۔
آئی ایس پی آر کا کہنا ہے کہ بعد ازاں 8 اور 9 اگست کی درمیانی شب پاکستان افغانستان سرحد کے قریب سمبازہ کے گردونواح میں منصوبہ بندی کے تحت کلیئرنس آپریشن کیا گیا اور اس دوران مزید 14 بھارتی سرپرستی یافتہ خوارج کو ہلاک کر دیا گیا ۔
ترجمانپاک فوج کے مطابق گزشتہ دو روز میں ہلاک دہشتگردوں کی مجموعی تعداد 47 ہو گئی، ہلاک ہونے والے خوارج کے قبضے سے اسلحہ، گولہ بارود اور دیگر بارودی مواد برآمد ہوا ۔
ترجمان پاک فوج کا مزید کہنا تھا کہ پاکستان کی سرحدوں کے تحفظ، امن و استحکام اور ترقی کو نقصان پہنچانے کی ہر کوشش ناکام بنائی جائے گی ۔
