معروف گیم پب جی کے دوران امریکی لڑکی پاکستانی لڑکے کو دل دے بیٹھی، جو بالآخر شادی کے بندھن میں تبدیل ہو گئی۔
رپورٹ کے مطابق، 18 سالہ فلورز سارہ اور چترال کے 23 سالہ شہادت حسین کی ملاقات تین سال قبل پب جی گیم کے ذریعے ہوئی تھی۔ دونوں تب سے مسلسل ایک دوسرے کے ساتھ گیم کھیل رہے تھے۔
رپورٹ میں بتایا گیا ہے کہ شہادت حسین کا تعلق چترال کے علاقے مروئی سے ہے، جبکہ فلورز سارہ اپنی والدہ کے ہمراہ رواں ہفتے لوئر دیر پہنچی تھیں۔ ان کی شادی ایک نجی ہوٹل میں روایتی انداز میں منعقد ہوئی، جس میں دلہن کو خاص طور پر روایتی انداز میں تیار کیا گیا تھا۔
فلورز سارہ اور شہادت حسین کی شادی میں گاؤں کے افراد سمیت دور دراز علاقوں سے آئے مہمانوں نے بھی شرکت کی۔
نکاح شاہی مسجد چترال کے خطیب مولانا خلیق الزمان نے پڑھایا۔ انہوں نے بتایا کہ نکاح لڑکی کی مکمل رضامندی اور ان کی والدہ کی موجودگی میں طے پایا۔ دلہن کے نام میں سارہ پہلے سے موجود ہونے کے باعث نام کی تبدیلی کی ضرورت پیش نہیں آئی۔
