لاہور: آٹے کا نرخ بڑھنے پر وزیراعلیٰ پنجاب مریم نواز شریف نے شدید برہمی کا اظہار کیا ہے۔
وزیراعلیٰ نے خصوصی طور پر ہنگامی ویڈیو لنک اجلاس طلب کر لیا۔
انہوں نے عوام کو ہر صورت سستا آٹا اور گندم مہیا کرنے کا حکم دیتے ہوئے فلور ملوں کو 3800 روپے فی من ملنے والی سبسڈائز سرکاری گندم کا کوٹہ بڑھانے کا فیصلہ کیا۔
اجلاس میں وزیراعلیٰ نے سستے آٹے کی یقینی فراہمی کے لیے 10 ارب روپے کی سبسڈی دینے کی منظوری دی۔
وزیراعلیٰ نے مارکیٹ میں آٹے اور گندم کے نرخ میں مصنوعی اضافے کے رجحان پر تشویش کا اظہار کیا۔
وزیراعلیٰ نے کہا کہ پنجاب کے عوام پر مہنگائی کا بوجھ بے حد تکلیف دہ ہے۔
عوام کو سستے آٹے کی ترسیل ہر صورت یقینی بنانے کے لیے تمام وسائل بروئے کار لائیں گے اور سستی روٹی کی فراہمی جاری رہے گی۔
