بلوچستان کے ضلع پشین اور ژوب میں سیکیورٹی فورسز نے مختلف کارروائیوں کے دوران 5 دہشت گردوں کو ہلاک جبکہ 5 کو گرفتار کرلیا۔
پاکستان آرمی کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع پشین میں خوارج کی موجودگی کی اطلاع پر آپریشن کیا جس کے نتیجے میں 5 خوارج گرفتار کر لئے گئے۔
دہشت گردوں کے قبضے سے 3 خود کش جیکٹس سمیت بڑی تعداد میں ہتھیار، گولہ بارود اور دھماکہ خیز مواد قبضے میں لے لیا گیا، گرفتار خوارج مختلف دہشت گردانہ حملوں میں ملوث تھے اور وہ سیکیورٹی فورسز اور بے گناہ شہریوں کو نشانہ بنانے کی منصوبہ بندی کر رہے تھے۔
آئی ایس پی آر کے مطابق ضلع ژوب میں دوسری کارروائی کے دوران سیکیورٹی فورسز کے ساتھ فائرنگ کے تبادلے میں 2 خوارج مارے گئے۔ آپریشن کے دوران بڑی تعداد میں ہتھیار اور گولہ بارود بھی برآمد کیا گیا۔
