بھارت کے مشہور ٹی وی سیریل ( کرائم پیٹرول ) جو بھارت میں بہت ہی مقبول ہے اور سب ہی اسے بہت شوق سے دیکھتے ہیں ،اس ٹی وی سیریل سےمتاثر ہو کر بھارت میں ایک خاتون نے عاشق سے شادی کرنے کیلئے 3 سالہ بیٹی کو قتل کردیا۔
غیرملکی خبررساں ادارےکے مطابق یہ واقعہ ریاست بہار کے علاقے مظفرپور میں پیش آیا جہاں ایک ماں نے اپنی 3سالہ بچی کو قتل کر دیاـپولیس کی رپورٹ کے مطابق کاجل نامی خاتون کی شادی منوج سے ہوئی تھی اوران کی ایک 3 سالہ بیٹی تھی، شادی شدہ ہونے کےباوجود اس کا کسی کے ساتھ غیرازدواجی تعلق تھا،اور اس کا بوائے فرینڈ اس کی بیٹی کو ساتھ رکھنے کے خلاف تھا اسی وجہ سے کاجل نے اپنی بیٹی کا گلا کاٹ کر سوٹ کیس میں بند کرکے جھاڑیوں میں پھنک دیا اور گھر سے چلی گئی۔
پولیس نے یہ بھی بتایا کہ کاجل کے شوہر منوج نے پولیس کو بیوی کے خلاف شکایت درج کروائی جس پر کارروائی کرتے ہوئے پولیس نے تحقیقات کے دوران فارنزک ٹیم کی مدد سے گھر کی تلاشی لی جہاں فرش، چھت اور بیسن میں بھی خون کے نشانات پائےگئے ،پولیس نے کاجل کے فون سے لوکیشن ٹریس کرکے اسے بوائے فرینڈ کے گھر سے گرفتار کیا۔پولیس تحویل میں تحقیقات کے دوران خاتون نے اپنے جرم کا اعتراف کرتے ہوئے بتایا کہ بوائے فرینڈ نے بیٹی کو ساتھ رکھنے سےانکار کر دیا،جس پر اس نے مشہور ٹی وی پروگرام کرائم پیٹرول سے متاثر ہو کر بیٹی کو قتل کیا۔
