اسلام آباد میں ملک کے معروف بزنس مین سلیم سیف اللہ کے بھائی اقبال سیف اللہ سے نامعلوم ملزمان 80 لاکھ روپے چھین کر فرار ہو گئے۔ پولیس وردی میں ملبوس ملزمان نے یہ واردات بلیو ایریا اسلام آباد کے علاقے میں کی اور فرار ہو گئے۔ پولیس نے وردات کی سی سی ٹی فوٹیج حاصل کر لی ہے۔
سی سی ٹی وی فوٹیج میں ملزمان کو کاروباری شخصیت کی گاڑی کے آگے گاڑی لگاتے دیکھ جاسکتا ہے، پولیس وردی میں ملبوس ملزمان کاروباری شخصیت کی گاڑی کو روکنے کااشارہ کرتے ہیں، گاڑی روکتے ہی پولیس وردی میں ملبوس ملزم گاڑی کے پاس کر چیکنگ کے بہانے گاڑی کے لاک کھولنے کا کہتا ہے اورلاک کھلتے ہی ملزم پیسوں کا بیگ چھین کر فرار ہو جاتا ہے۔ اسلام آباد پولیس کی جانب سے تھانہ کوہسار میں واقع کا مقدمہ درج کر لیا گیا۔
