گوجرانوالہ کے علاقے راہولی میں فائرنگ سے ایک ہی خاندان کے 2 افراد جاں بحق، 3 زخمی ہوگئے۔
ریسکیو ذرائع کے مطابق واقعہ گوجرانوالہ کے علاقے جمیل پورہ میں اس وقت پیش آیا جب متوفی اپنے گھر کی چھت پر سو رہے تھے۔ جاں بحق ہونے والوں میں 35 سالہ ولایت اور 35 سالہ مسرت بی بی شامل ہیں۔ زخمیوں میں 7 سالہ حرم، 80 سالہ حنیفہ بی بی اور 30 سالہ ثمینہ بی بی شامل ہیں۔ پولیس نے جائے وقوعہ پر پہنچ کر لاشوں اور زخمیوں کو اسپتال منتقل کردیا۔ مزید تحقیقات جاری ہیں۔
اس سے قبل فیصل آباد کے علاقے بہمنی والا میں فائرنگ کے واقعے میں تین افراد جاں بحق ہو گئے تھے۔جاں بحق ہونے والوں کی شناخت 45 سالہ صدیق، 22 سالہ زبیر اور 23 سالہ غفران کے نام سے ہوئی ہے۔پولیس کا کہنا ہے کہ فائرنگ مبینہ طور پر عاطف اور اس کے ساتھیوں کے نام سے ایک شخص نے کی۔ پولیس نے لاشوں کو رورل ہیلتھ سنٹر منتقل کر دیا ہے۔
