صوبائی وزیر ٹرانسپورٹ اینڈ ماس ٹرانزٹ بلال اکبر خان نے جمعہ کے روز کہا کہ پنجاب حکومت عوام کو آرام دہ سفر کی سہولت فراہم کرنے کے لیے تمام ضروری اقدامات کر رہی ہے اور اس کے لیے راولپنڈی سمیت مختلف شہروں کی مصروف سڑکوں پر رش کو دور کرنے کے لیے ایک جامع منصوبہ تیار کر لیا گیا ہے۔
انہوں نے کہا کہ حکومت سفری مسائل سے پوری طرح آگاہ ہے. کمشنر آفس میں انٹیگریٹڈ اربن ٹرانسپورٹ پلان کمیٹی کے اجلاس کی صدارت کرتے ہوئے وزیر نے کہا کہ وزیر اعلیٰ پنجاب نے راولپنڈی سمیت تمام بڑے شہروں میں بھیڑ کم کرنے کے پلان پر ہنگامی بنیادوں پر عملدرآمد کرنے کے لیے خصوصی ہدایات دی ہیں جس کے لیے 78 ایئر کنڈیشنڈ بسوں کی منظوری دی گئی ہے۔
