صوابی میں نشانِ حیدر حاصل کرنے والے شہید کیپٹن کرنل شیر خان کی 27ویں برسی کے موقع پر ایک پروقار تقریب کا انعقاد کیا گیا، جس میں پاک فوج کے چاق و چوبند دستے نے سلامی پیش کی اور شہید کی جرات، بہادری اور قربانی کو خراجِ عقیدت پیش کیا۔
تقریب کے دوران شہید کیپٹن کرنل شیر خان کے مزار پر چیف آف ڈیفنس فورسز، فیلڈ مارشل عاصم منیر کی جانب سے پھولوں کی چادر اور گلدستہ بھی رکھا گیا۔
اس موقع پر شرکاء نے وطن کے دفاع کے لیے شہید کی خدمات اور قربانیوں کو زبردست خراجِ تحسین پیش کرتے ہوئے اس عزم کا اظہار کیا کہ شہداء کی قربانیاں ہمیشہ قوم کے لیے مشعلِ راہ رہیں گی۔
