خیبر پختونخوا کی 15 رکنی کابینہ تشکیل دے دی گئی۔ نامزد وزرا آج حلف اٹھائیں گے۔حلف برداری کی تقریب شام ساڑھے 6بجے گورنر ہاؤس پشاور میں ہو گی ۔گورنر خیبرپختونخوا نئی کابینہ سے حلف لیں گے۔
ذرائع کا کہنا ہے کہ خیبرپختونخوا کی نئی کابینہ کیلئے اراکین کے ناموں کی فہرست بھی تیار ہو گئی ہے۔ فہرست میں 15سے زیادہ نام شامل ہیں۔ذرائع نے بتایا کہ نئی کابینہ کی فہرست میں مشتاق غنی، خلیق الرحمان اورعاقب اللہ کے نام شامل ہیں جبکہ فہرست کے تحت ارشد ایوب، تاج محمد ترند اور شکیل خان بھی نئی کابینہ کا حصہ ہونگے۔کابینہ ارکان کی فہرست میں فضل شکور خان، پختون یار اور مینا خان کے نام بھی شامل ہیں۔ذرائع کامزید بتانا ہے کہ کابینہ ارکان کی فہرست بانی پی ٹی آئی کو آئندہ چند دنوں میں پیش کی جائے گی۔ بانی پی ٹی آئی کی منظوری کے بعد کابینہ کی حتمی تشکیل عمل میں لائی جائے گی
