اسلام آباد: صدر آصف علی زرداری نے پاکستان اور چین کے درمیان اقتصادی اور تجارتی تعاون مزید مضبوط بنانے پر زور دیا ہے۔
صدر مملکت نے اسلام آباد میں چین-افریقہ و ایشیاء تجارت و تعاون فروغ ایسوسی ایشن کی صدر ہاؤ یوجیاؤ سے گفتگو کی۔
صدر مملکت نے کہا کہ دونوں ملکوں کے درمیان کاروباری سطح پر روابط کو فروغ دینے اور باہمی تعاون کے نئے مواقع تلاش کرنے کی ضرورت ہے۔
انہوں نے پاکستان اور چین کے درمیان تجارت اور سرمایہ کاری روابط کے فروغ کے لیے کوششوں کا خیرمقدم کیا۔
صدر مملکت نے باہمی مفاد پر مبنی تعاون کو مزید وسعت دینے کی اہمیت پر زور دیا۔
