کراچی: ایس آئی ایف سی کی سہولت کاری سے پاکستان کی دفاعی خود انحصاری کی جانب اہم پیش رفت ہوئی ہے۔
معروف کاروباری گروپ وینگارڈ انٹرنیشنل کے وفد نے ایس آئی ایف سی حکام سے اہم ملاقات کی۔
وینگارڈ انٹرنیشنل کراچی میں عالمی معیار کی جدید بلٹ پروف شیشہ ساز فیکٹری قائم کرے گی۔
یہ منصوبہ بن قاسم انڈسٹریل پارک میں تقریباً 5 کروڑ ڈالرز کی سرمایہ کاری سے شروع کیا جائے گا۔
منصوبے کے تحت تیار کردہ بلٹ پروف شیشہ پاک فوج اور سکیورٹی اداروں کی ضروریات پوری کرنے میں معاون ثابت ہوگا۔
جدید سہولت ٹیکنالوجی منتقلی، زرمبادلہ کی بچت اور تقریباً 400 ہنرمند افراد کے لیے روزگار کے مواقع پیدا کرے گی۔
مقامی سطح پر دفاعی مصنوعات کی تیاری سے برآمدات کو فروغ اور پاکستان کی دفاعی صنعتی صلاحیت کو مزید تقویت ملے گی۔
وینگارڈ وفد نے منصوبے کی مؤثر سہولت کاری اور سرمایہ کار دوست معاونت پر ایس آئی ایف سی کی کاوشوں کو سراہا۔
