وزیراعظم آزاد کشمیر چوہدری انوارالحق نےیوم دفاع پاکستان کے موقع پر خصوصی پیغام دیا۔
وزیراعظم آزاد کشمیر کے مطابق 6ستمبر 1965ء ہماری عسکری تاریخ کا انتہائی اہم ترین دن ہے۔ یہ دن ہمیں جنگ ستمبر کے ان دنوں کی یاد دلاتا ہے جب پاکستان کی مسلح افواج اور پوری قوم نے بھارتی جارحیت کے خلاف اپنی آزادی اور قومی وقار کا دفاع کیا تھا۔ ہماری پاک فوج نےثابت کیا کہ وہ ہر قیمت پر مادر وطن کے دفاع کے لیے ہمہ وقت تیار رہتے ہیں۔
اس لئے دفاع پاکستان کیلئے جانوں کا نذرانہ پیش کرنے والے سرفروشوں کی عظمت کو پوری کشمیری قوم زبردست خراج عقیدت اور سلام پیش کرتی ہے۔ چوہدری انوارالحق نے مزید کہا کہ ہندوستان کی فوج کشمیریوں کیلئے نفرت کی علامت ہے. پاک فوج وطن کے دفاع کیلئے بے مثال قربانیاں دے رہی ہے. 6ستمبر ہماری قومی تاریخ میں ایک سنگ میل کی حیثیت رکھتا ہے۔اس لئے ہمیں افواج پاکستان کی صلاحیتوں پر پورا اعتماد ہے. پاک فوج دنیا کی بہترین فوج ہے.
وزیراعظم آزاد کشمیر نے کہا کہ بھارت کی قابض افواج مقبوضہ کشمیر میں ظلم و جبر کے پہاڑ توڑ رہی ہے.کشمیریوں کے حقِ خودارادیت کو دبانے کے لئے ہر حربہ استعمال کیا جا رہا ہے. بھارت کی بزدل فوج سیز فائر لائن پر بھی نہتے شہریوں کو نشانہ بناتی ہے۔ اس لئے بھارت جتنا بھی ظلم روا رکھے وہ کشمیریوں کو انکا پیدائشی حق لینے سے نہیں روک سکتا۔
