برطانیہ نے غیر ملکی طالبعلموں کے لیے سخت ویزا قوانین کا اعلان کر دیا ہے۔
1 جنوری 2024 کے بعد بیرون ملک سے آنے والے غیر ملکی طالبعلم اپنے خاندان کو برطانیہ نہیں لاسکیں گے۔
جیمز کلیورلی (برطانوی وزیر داخلہ) کی جانب سے یہ بتایا گیا کہ یکم جنوری سے اس پابندی کا اطلاق ہوگیا ہے۔ ان کا مزید کہنا تھا کہ خاندان کو اپنے ہمراہ لانے لانے کی پابندی کا سامنا ان طالبعلموں کو نہیں ہوگا جو پوسٹ گریجویٹ ریسرچ کورسز کر رہے ہیں یا حکومتی اسکالر شپ پر برطانیہ میں زیر تعلیم ہیں۔
اس پابندی کا ابتدائی اعلان مئی 2023 میں کیا گیا تھا اور اب اس کا اطلاق ہوا ہے۔
ماہرین کا کہنا ہے کہ اس پابندی سے وہ یونیورسٹیاں متاثر ہوں گی جو غیر ملکی طالبعلموں کی فیس پر انحصار کرتی ہیں جبکہ اس سے بین الاقوامی سطح پر برطانوی ساکھ کو بھی نقصان پہنچ سکتا ہے۔
تفصیلات کے مطابق برطانوی وزیراعظم رشی سونک نے یکم جنوری کو ایک ایکس پوسٹ میں بتایا کہ ‘آج سے یونیورسٹیوں میں زیرتعلیم غیر ملکی طالبعلم اپنے خاندان کے افراد کو برطانیہ نہیں لاسکیں گے’۔
