نئی حکومت کا پروگرام کیلئے عالمی مالیاتی ادارے سے رجوع کرنے کا فیصلہ ۔حکومت کو بجلی اور گیس کی قیمتوں میں اضافے کے مزید سخت فیصلے کرنا ہوں گے۔
ذرائع کے مطابق وزارت خزانہ نے قرض پروگرام کیلئے وزیر اعظم شہباز شریف کی ہدایات پر اقدامات شروع کر دیئے ہیں ۔ عالمی ادارے سے بات چیت کیلئے فوری رجوع کیا جائے گا۔ذرائع نے مزید بتایا کہ قرض کا نیا پروگرام 6سے 8ارب ڈالر کا ہو سکتا ہے اور نیا پروگرام آئی ایم ایف کی کڑی شرائط پر ملنے کا امکان ہے۔
ذرائع کا کہنا ہے کہ آئی ایم ایف کے ساتھ مذاکرات کے لیے شیڈول طے کیا جائے گا۔ بڑھتے ہوئے قرضوں اور لیے گئے قرضوں کی ادائیگی بڑاچیلنج ہے۔برآمدات میں اضافے اور مقامی وسائل پیدا کرنے تک آئی ایم ایف پروگرام میں رہنا ضروری ہے۔ذرائع نے بتایا کہ توازن ادائیگی اور ذخائر مستحکم رکھنے کے لیے آئی ایم ایف پروگرام میں جانا ہو گا۔حکومت کو بجلی اور گیس کی قیمتوں میں اضافے کے مزید سخت فیصلے کرنا ہوں گے
