ایبٹ آباد کے علاقہ نواں شہر کی ہونہارطالبہ ڈاکٹر مانوش صالح نے تعلیمی میدان میں اہ کامیابی حاصل کی ہے۔ ان کو ایم بی بی ایس میں دوران تعلیم 12 شعبوں میں پہلی پوزیشن حاصل کرنے پر 17 گولڈ میڈلز سے نوازا گیا ہے۔ ڈاکٹر مانوش کو یہ گولڈ میڈلز خیبر پختونخوا کے گورنر حاجی غلام علی نے گرلز خیبر میڈیکل کالج پشاور کے کانووکیشن کے موقع پر پیش کیے۔
مانوش صالح نے کالج کے تعلیمی سال 2014-15 سے2019-20 میں دوران تعلیم ایم بی بی ایس کے12 شعبوں میں پہلی پوزیشن حاصل کی تھی۔ان شعبوں میں بائیو کیمسٹری،فزیالو جی،فارنسک میڈیسن، جنرل پیتھالوجی،کمیونٹی میڈیسن۔ای این ٹی،ارتھامالوجی،سپیشل پتھالوجی،میڈیسن، پیڈز،سرجری اور فارماکالوجی کے علاوہ سیکنڈ، تھرڈ،فورتھ اور ففتھ اور فائنل پروفیشن امتحانات میں پہلی پوزیشن اور بیسٹ گریجویٹ برائے تعلیمی سال2019شامل ہیں۔
