الیکشن کمیشن گلگت بلتستان نے اہم فیصلہ کرتے ہوئے نئی انتخابی فہرست کے بجائے پرانی الیکٹورل لسٹ (الیکٹورل رول 2026) کو قابلِ قبول قرار دے دیا ہے ۔
گلگت بلتستان: ذرائع کے مطابق گلگت بلتستام میں نئی انتخابی فہرست میں بے شمار غلطیوں کی شکایات سامنے آنے کے بعد الیکشن کمیشن نے پرانا الیکٹورل رول جاری کرنے کا فیصلہ کیا ۔
الیکشن کمیشن کی جانب سے جاری اعداد و شمار کے مطابق گلگت بلتستان میں رجسٹرڈ ووٹرز کی مجموعی تعداد 9 لاکھ 58 ہزار 480 ہے، جن میں 5 لاکھ 3 ہزار 772 مرد ووٹرز اور 4 لاکھ 54 ہزار 708 خواتین ووٹرز شامل ہیں ۔
گلگت بلتستان اسمبلی انتخابات میں سیاسی جماعتوں اور آزاد حیثیت سے مجموعی طور پر 396 امیدوار حصہ لے رہے ہیں، ان میں 266 آزاد امیدوار شامل ہیں، جو امیدواروں کا سب سے بڑا حصہ بنتے ہیں ۔
سیاسی جماعتوں میں پاکستان پیپلز پارٹی 23 امیدواروں کے ساتھ سب سے آگے ہے، جبکہ استحکام پاکستان پارٹی کے 15 اور پاکستان مسلم لیگ کے 11 امیدوار انتخابی میدان میں موجود ہیں ۔
اعداد و شمار کے مطابق گلگت بلتستان اسمبلی انتخابات میں صرف 8 خواتین امیدوار حصہ لے رہی ہیں جو مجموعی امیدواروں کی تعداد کے مقابلے میں انتہائی کم شرح ہے ۔
