ہری پور کے علاقے حطار، شادی اور خانپور کے رانی واہ پہاڑی سلسلے میں آگ بھڑک اٹھی، تیز ہواؤں کے باعث آگ نے شدت اختیار کر لی، شعلے تیزی سے پھیلنے لگے، آتشزدگی سے قیمتی جنگلات، درخت اور جنگلی حیات کو شدید نقصان پہنچنے کا خدشہ ہے ۔
ہری پور( مہر سيماب ) دور دراز اور دشوار گزار راستوں کے باعث ریسکیو ٹیموں کو موقع تک رسائی میں مشکلات، محکمہ جنگلات اور مقامی افراد اپنی مدد آپ کے تحت آگ بجھانے میں مصروف ہیں ۔
آگ پر قابو پانے کے لیے مقامی آبادی کی کوششیں جاری، تاحال مکمل کنٹرول نہ ہو سکا،دفعہ 144 کے نفاذ کے باوجود ہری پور کے پہاڑوں میں آتشزدگی کے واقعات کا سلسلہ جاری ہے ۔
ضلعی انتظامیہ اور متعلقہ اداروں سے فوری اور مؤثر اقدامات کا مطالبہ، پہاڑی علاقوں میں لگنے والی آگ سے ماحولیات اور قدرتی حسن کو خطرات لاحق ہیں ۔
دوسری جانب ریسکیو ذرائع نے بتایا کہ حطار، شادی اور رانی واہ کے پہاڑوں پر لگی آگ بجھانے کے لیے ہنگامی اقدامات کی ضرورت ہے ۔
