مشہد: طالبان رجیم سرحد پار دہشت گردی اور سیاسی مخالفین کو قتل کرنے کے گھناؤنے منصوبے پر کاربند ہے۔
ایران میں سابق افغان عہدیدار پر قاتلانہ حملے میں افغان طالبان انٹیلی جنس کے ملوث ہونے کے شواہد سامنے آ گئے۔
معروف ایرانی جریدے ایراف کے مطابق ایران کے شہر مشہد میں سابق افغان صدارتی مشیر احمد خان غوری پر حملہ کرنے والا دہشت گرد طالبان انٹیلی جنس کا ایجنٹ نکلا۔
جریدےایراف کے مطابق یکم نومبر کو احمد خان غوری کو نشانہ بنانے والے خودکش بمبار کو کابل سے براہ راست احکامات موصول ہوئے تھے۔
ایراف نے بتایا کہ طالبان انٹیلی جنس کے ایجنٹ نے بطور مہمان رسائی حاصل کر کے سابق افغان صدارتی مشیر کی رہائش گاہ میں دھماکہ کیا تھا۔
ایراف کے مطابق اس سے قبل بھی طالبان سرحد پار دہشت گردی کے ذریعے ایران میں موجود سیاستدان معروف غلامی اور سابق افغان جنرل اکرم الدین سری کو نشانہ بنا چکے ہیں۔
افغان جریدے افغانستان انٹرنیشنل کے مطابق اس سے قبل افغان طالبان عہدیدار محمد نبی عمری اور سعید خوستی بیرون ملک موجود مخالفین کو قتل کرنے کی دھمکیاں دے چکے ہیں۔
