تھانہ جنڈ پولیس نے کامیاب کارروائی کرتے ہوئے غیر قانونی گولڈ مائننگ میں ملوث 8 ملزمان گرفتار دیا، گرفتار ملزمان کے خلاف مقدمات بھی درج کردیئے گئے ۔
اٹک: تھانہ جنڈ پولیس نے ڈی پی او اٹک سردار موارہن خان کے احکامات پر غیر قانونی مائننگ کے خلاف جاری کریک ڈاؤن کے دوران اہم کارروائی کرتے ہوئے غیر قانونی گولڈ مائننگ میں ملوث 8 ملزمان کو گرفتار کر لیا ۔
گرفتار ملزمان میں مہر خان، محمد سہیل، محمد سیف اللہ، فیصل وقاص سکنائے جنڈ جبکہ حضرت بلال، رحمت شاہ، گل رحمٰن اور معرفت شاہ سکنائے کوہاٹ شامل ہیں ۔
پولیس نے کارروائی کے دوران غیر قانونی مائننگ میں استعمال ہونے والی مشینری، آلات اور دیگر سامان بھی قبضہ میں لے لیا۔
پولیس حکام کے مطابق گرفتار ملزمان کے خلاف مقدمات درج کر کے مزید تفتیش کا آغاز کر دیا گیا ہے ۔
